मल्ल के सुन्दरद्वारा नेपालमा महाभारत शुरु भ​एको अभिब्यक्ति ।

अहिलेको महाभारत युद्धमा जनता सारथी नै हो भन्ने प्रमाण त २७ दलको "संघियता" र "जातिय पहिचान" को बिरोधी कौरवको कथित बिशाल बिरोध सभा र माओवादिको संघियता र जातिय पहिचानको समर्थनमा सहभागि जन सागरले नै पुष्टि गरेको छ । यस महाभारत युद्धका नेवाः महारथी मल्ल के. सुन्दर दाई आगामी दिनहरुमा अझ सशक्त हुन सकोस भन्ने शुभ-कामना ।

कहिलेकाँहि नाम नभएको ११ प्रदेश, कहिलेकाँहि नेवाः प्रदेशको पुच्छर बागमति झुण्डिएको सुन्दा गाईको शरिरमा गधाको पुच्छर झुण्डिएको सुन्दा, हात्तिबनको रिसोर्टबाट ८ प्रदेश प्रस्ताव भएको सुन्दा बेला बेलामा झस्किने उल्लेख गर्नु हुँदै उहाँले माओवादिलई एकल पहिचानमा जान आग्रह गर्दै, माओवादिले जातिय पहिचान कित्तामा बसेर आमसभा आयोजना गरेकोले काठमाण्डौं वरिपरिका नेवार, नेपाल मण्डलका नेवार अनि सम्पूर्ण नेपालका १२ लाख भन्दा बढि नेवारको तर्फवाट जातिय पहिचान पक्षको कित्तामा माओवादिको साथ भएको उद॒घोष गर्नु भएको छ । नेवार आदिवासी जनजाति पनि भएको र करिव ३८ % सम्पूर्ण नेपालका आदिवासी जनजाति माओवादि संगै जातिय पहिचान पक्षको कित्तामा उभिएको पनि जनाउनु भएको छ |